Tolosaldeko Hitza

"AHTk zuzen-zuzenean eragingo digu anoetarroi, beraz, proiektu horri buruz iritzia emateko eskubidea dugu eta eskubide hori bermatu da herri-galdeketaren bidez": hala adierazi dute AHT Gelditu! Elkarlanakoek.

Alkatearen balorazioa "baikorra" izan da. "Traba eta oztopo guztien gainetik jendearen parte-hartzea handia izan da eta hori oso garrantzitsua da".
Beste behin ere, Anoetako alkateak Anoetako AHT Gelditu! Elkarlana eta prozesu hau aurrera eraman duten gainontzeko eragileen lana azpimarratu nahi du: "Izugarrizko lana egin dute AHTren prozesu honetan: informazioa banatzerakoan, jendea sentsibilizatzeko garaian jendearen parte-hartzea bultzatuz"… Lan hori guztia azpimarratzeaz gain, eskerrak ere eman nahi dizkie aipatutako lan horrengatik.

Anoetako AHTri buruzko Herri-Galdeketa antolatu duten eragileek ere balantzea egin dute: "Jende asko ari da AHTri buruz duen iritzia ematen eta antolatu diren ekimen ezberdinetan parte hartzen".
"Oso balorazio positiboa egiten dugu azken hilabeteetan aurrera eraman den sentsibilizazio-kanpaina bere fruituak ematen ari baita".
Bukatzeko,"emaitza guztien gainetik oso balorazio positiboa egiten dugu anoetarren parte-hartzea oso handia izan baita".