Tolosaldeko Hitza

2009-06-04 | 12:27:27

Bihar hasiko dira Anoetako jaiak

Hilaren 24a bitarte ekitaldi ugari antolatu ditu Jai Batzordeak

Urteroko moduan aurten ere egitarau luzea osatu dute Anoetako Jai Batzordeko kideek. Herriko jaiak bihar hasiko dituzte, 22:00etan izango den Memoria Dantzan ikus-entzunezkoarekin eta hilaren 24a bitarte iraungo dute. Ohikoa den bezala Kuadrilen Eguna (hilak 6) izango dute, baita Dantzari Txiki Eguna (hilak 7) eta Umeen zein Mozorro Eguna (hilak 11) ere. Azken egun honetarako, gainera, antolatzaileek gaztetxoen bazkarira eta baita buruhandi eta erraldoien kalejirara mozorrotuta joateko eskatu dute. Era berean, aurtengoan iaz hildako herriko Javier Sarasa txistulariari omenaldia ere egingo diote; hilaren 14ean izango da 13:00etan herriko elizan. Herritarrek egindako artelanen erakusketa Honekin batera, igande honetan eta hilaren 13 eta 14ean 12:30etik 14:00etara eta 18:30etik 20:30era, erakusketak ere izango dira Udaletxean. Herriko artisten, eskulanetako taldeek egindako eta festetetako kartel lehiaketan aurkeztutako lanak ikusi ahal izango dira.

Ez du erantzunik

2009-04-23 | 16:37:16

Berriz ere Gaztetxean sartu dira lapurtzera

Zortzigarren aldia da aurten eta oraingoan diru apur bat eraman dute

Anoetako Gaztetxean berriro egin dute lapurreta eta dagoeneko zortzigarren aldia da sartzen direla lapurrak aurten. Bart terrazako atetik sartu ziren eta diru apur bat lapurtu dute. Terrazako atea hautsi egin dute eta orain berria jarri beharko dute Gaztetxekoek.

4 erantzun

2009-03-03 | 13:37:15

Krisiaren inguruko hitzaldia gaur, Anoetan

Gaur 19:30etik aurrera krisiaren inguruko hitzaldia izango da LABen eskutik Anoetako udaletxean. Zehazki "Tolosaldean krisiaren eta bere ondorioak" izena du hitzaldiak. Aipatu behar da, gainera, gaur egun berezia dela euskal langileentzat, martxoak 3 da, 1976an Gasteizen 5 langile erail zuteneko urteurrena hain zuzen.

Ez du erantzunik

2009-02-14 | 19:33:58

Dantza-Soka Eguna ospatu dute egun guztian zehar

Artzai-andrez jantzita irten dira herritarrak goizean goiztik kalera

Anoetan Dantza-Soka Eguna ospatu dute herritarrek. Egun guztian zehar hainbat ekitaldi burutu dituzte. Goizean mutilak irten baldin badira herriko plazara, arratsaldean neskak aritu dira dantzan.

Ez du erantzunik

2009-02-12 | 11:08:21

Dantza Soka Eguna bihar izango da

Ez du erantzunik

2009-01-12 | 11:52:36

Anoetako Gazte Asanbladak berriro lapurreta jasan duela salatu du

Gaztetxean zein ondoko lokaletan gertatu da

Anoetako Gazte Asanbladak jakinarazi du ohar baten bidez lapurreta jasan duela eta "nazka-nazka" eginda daudela "eraso hauen aurrean". Gaztetxean ez ezik, ondoko lokaletan ere izan dira lapurretak. Gertaera ostirala eta larunbata bitarteko gauean izan zen. Ez dira pasa 15 egun aurreko lapurreta jasan zutela. Gazte Asanbladak adierazi duenez, "ez dute lortuko gazteria geldiaraztea".

Erantzun 1

2008-11-25 | 11:55:29

Eskualdeko paleta jokalariak Munduko Kopako txapeldun berriak dira

30-21 irabazi zuten atzoko partidan Maider Mendizabalek eta Nagore Arozenak

Finala "oso-oso luzea izan zen", beroketaren ondoren partidaren aurkezpena egiten ari zirela argindarra joan zen eta ordu eta erdiko atzerapenaren ondoren berriz ere argia bueltatu ostean hasi zen berriz aurkezpena.

Ez du erantzunik

2008-11-24 | 11:52:13

Segik sinatutako kartelak jartzea egotzita hiru gazte atxilotu dituzte

Larunbat arratsaldean izan zen; Ertzaintzak "kolaborazio delitua" egotzi die

Ertzaintzak hiru gazte atxilotu zituen larunbatean Segik sinatutako kartelak jartzen ari zirela egotzita. Poliziaren aurrean deklaratzeari uko egin zioten, Amnistiaren Aldeko Mugimenduak jakinarazi duenez, eta aske utzi zituzten larunbat gauean. Aske utzi arren, "kolaborazio delitua" leporatu diete kartelak jartzeagatik. AAMk salatu duenez, "modu honetako jarduerek Ertzaintzak gazte independentisten aurka irekita dagoen sorgin ehizan bete-betean parte hartzen duela erakusten dute".

2 erantzun